عاجل
بدء تطبيق عقوبة مخالفي أنظمة وتعليمات الحج لمن يتم ضبطهم دون تصريح حج اعتبارًا من اليوم         وصول الطائرة الإغاثية السعودية الـ 50 لإغاثة الشعب الفلسطيني في قطاع غزة التي يسيّرها مركز الملك سلمان للإغاثة         بروفات مكثفة لــ آمال ماهر استعدادا لحفلها بالسعودية (فيديو)         وزير الخارجية الأمريكي يدعو حركة حماس إلى قبول اتفاق وقف إطلاق النار         بردية الأسرار، زاهي حواس يكشف تفاصيل جديدة عن بناء الأهرامات (فيديو)         اتحاد منتجي الدواجن يكشف عن موعد الانخفاض الكبير في اسعار البيض (فيديو)         الأولمبي الياباني يفوز على العراق 2-0 بنصف نهائي أمم آسيا ويتأهل لأولمبياد باريس         صندوق الاستثمارات السعودية العامة يستحوذ على أكبر شركة رائدة إقليمياً في مجال البنية التحتية بقطاع الاتصالات         مطارات المملكة تُسجل 12.50 مليون مسافر دولي ومحلي خلال شهر رمضان وعطلة عيد الفطر         بسبب انتهاك حقوق الإنسان، واشنطن تدرس فرض عقوبات على وحدات جديدة في جيش الاحتلال         ترقب لحكم قضائي يحسم مصير انتخابات نادي الزمالك         الكهرباء: 42% زيادة في مشاركة مصادر الطاقة المتجددة بحلول 2030         نظرية علمية تزعم: الكائنات الفضائية تتنقل عبر النيازك         زيكو: صلاح من أفضل لاعبي العالم حاليًا.. وأنصحه بالبقاء مع ليفربول         سعر الدولار اليوم الإثنين في البنوك والسوق السوداء 22 – 4 – 2024        

بسمة بوسيل تعلن عودتها لتامر حسني وتكشف كواليس الزواج والطلاق (فيديو)

بسمة بوسيل تعلن عودتها لتامر حسني وتكشف كواليس الزواج والطلاق (فيديو)

تامر حسني وبسمة بوسيل، قالت الفنانة بسمة بوسيل: “لما جيت مصر تقريبا كل أحلامي اتحققت، لقيت حب حياتي وفي نفس الوقت كنت بعمل ألبوم مع محسن جابر بس حسيت ساعتها إني عايزة اتجوز اكتر، وحبي لتامر حسني كان أكبر من الغناء”.

بداية قصة زواج تامر حسني

وأضافت خلال لقائها ببرنامج “ع المسرح” المذاع علي قناة “الحياة”: “وافقت إن ألبومي مينزلش لإني لما أعلن زواجنا أنا وتامر حسني كان هناك حملات غريبة على الإنترنت وقتها تامر كان من باب الحماية وإن محدش يتكلم عني بطريقة مش كويسة نعطل خروج الألبوم، وانا كمان كنت خايفة من نزول الألبوم”.

حب العمر لبسمة بوسيل

وتابعت: “الزواج وحب العمر خد مكان النجومية والشهرة والغناء، واتجوزت بدون فستان وحفل زفاف بس انا وتامر حسني اتفقنا علي كده ودي مش غلطته وانا عارفة اني متجوزة حد مشهور جدا، شهرة تامر كنت بالنسبة لي مستفزة ومخيفة وفعلا كنت باهتز نفسيا وبخاف وعملنا فرح وكل حاجة بشكل خاص، ونزل خبر زواجنا في الصحافة، وانا عارفة ان فيه هجوم حصل عليا وكانوا بيجولنا قدام البيت يطالبوه طلقها طلقها، وأمي كانت خايفة وهو كمان كان خايف من تسليط الأضواء على زواجنا”.

علاقة تامر حسني وبسمة بوسيل

ولفتت: “تامر حسني لما اختارته مش بس علشان حبيته كشخص ولكن علشان كنت عايزاه يبقى أبو عيالي، وكنت حاسة ان مش أي حد أحبه ينفع يكون أبو عيالي”.

وأكدت: “أنا قد حبي للغناء كنت عايزة اتجوز وأنا صغيرة وأخلف وأنا صغيرة وكان حلمي أخلف ولاد وبنات في سن صغيرة، وفي الأول كنت بقول يارب مش ولد لإني معنديش اخوات بنات وعندي 2 ولاد كرهوني في عيشيتي وحاجتي يسرقوها، بس بحب الخلفة ومن الستات اللي بحب الخلفة وعايزة يبقى عند 10 عيال ودلوقتي نفسي اخلف كمان اتنين”.

تحرر بسمة بوسيل بعد الطلاق

وأشارت: “بعد طلاقي من تامر حسني اتحررت من حاجات كتير أوي كانت عاملة ليا ضغط، لايف استايل بتاعت تامر صعبة أوي ومتعب جدا وفيه حاجات مكنتش بعرف أعملها، خاصة وأنا معايا 3 عيال”.

بسمة بوسيل وحلم العودة لتامر حسني

وأكدت: “حلم رجوعي لتامر حسني هيتحقق وده خبر أكيد يعني، انا دلوقتي متصالحة ومتسامحة مع كل الناس واتغيرت للأحسن بعد الانفصال”.

تأثير الانفصال علي بسمة بوسيل

ولفتت: “الانفصال كان بالنسبة لي صعب وانا وتامر حسني بنحب بعض عامة كأشخاص غير كزوجين والشخص ده غالي أوي عليا، ولغاية دلوقتي بيعرف كل حاجة بعملها وبيكلمني علطول ويطمئن عليا، والمصريين بالنسبة لهم الطلاق ده مصيبة واحنا نفس القصة في المغرب، ولكن الطلاق حصل لما وصلنا لمرحلة اننا مكناش عارفين نتكلم مع بعض بس الطلاق كان بالنسبة خضة ومكنتش متوقعة أني اتطلق، وبعد الانفصال قربت جدا من ربنا وبقيت اعمل عمرة 3 مرات في السنة وحسيت ان التعلق لازم يبقى برب العالمين اكتر من البشر”.

المصدر
فيتو

مقالات ذات صلة

زر الذهاب إلى الأعلى