أوبريت.. قول ياريس.. تأليف الكاتب الصحفي قطب الضوي
قول يا ريس واحكي عنا
قول وعرفنا الجديد
يلا كمل زرع ايدك
مصر بمسيرتك في عيد
مش لوحدك
دا احنا عهدك
ضل بيمدد وراك
شعلة مرفوعة وراية
نهج حضارتها خطاك
بصة من فوق الكباري
توصفك وتقول إداري
حٓبها ولترابها شاري
واحنا حابينها معاك
يكفي انها وسط قارة
وصفها معدي الحدود
للعرب والكون منارة
عودها صالب له صمود
أصله جين فيها ووراثة
في العجايب والحداثة
عهده من جد الجدود
مصرنا شابة ومليحة
والفُتوح.. كاتب كتابها
أما أمنت له بإديها
سجلت اسمه في بابها
أيوه قالتها.. يا سيسي
وعزها فيك شيء رئيسي
مين سواك يفهم لغاها الطيبة
ويصون ترابها ؟!!
مصر يا أم الخير مواسم
منه تداوى الطقوس
غارة ع العادي وطلاسم
أما للأحباب (طاووووس)
فيكي مسك الأزمنة
صدقينا يا مؤمنة
إحنا كل فرد منا
جاي على جبينك يبوس
دا احنا قسمنا الخلايا
كات جميع ذراتها منك
حتى أصلك في الولاية
والوفا كان عمره سنك
والأكادة فيكي عادة وريحة تانية تشدنا
نجري ونضمك ونفرح
ضمي تاني يا أُمنا….
لو زعلتي نروح نصالحك
أصل روحنا فيها صالحك
يلا باركي ولمي طرحك م
حب غالي في قلبنا
هاتي ايدك شبكينا
اربطينا وقٓرطي
مؤمنين أن انتي عمرك
فينا يوم ما تفرطي
دوبنا فيكي ودوبتي فينا
والرضا منك راضينا
حتى لو كرمك دا فوري
أو في دفعُه.. تقسطي
إحنا اهو جايين نبوسك
والعهود تشهد قاموسك
وبنفس واحد نقولك
هاتي بوسه يا مصرنا
هاتي بوسه يا مصرنا
هاتي بوسه يا مصرنا
