اتجاهات
أنا م المحلة.. شعر: محمد العربي
أنا م المحلة بلدنا والله
فى الجمال تسحر م شالله
شوف شبابها وشوف ولادها
منورين الدنيا والله
الشياكه والاناقه
بالأصول مش بالتناكه
الرشاقه واللباقه
واللطافه من المحله
الله هالله ع المحله
اللى ساحره الدنيا والله
الشوارع والمصانع
والايدين العامله هالله
ع المدينه ألاسطوريه
فى الصناعه العالميه
منتجينها محلاويه
حلّو كل الدنيا والله
الرجوله ال 100/100
والأدب والانسانيه
إحنا أصلا جمهوريه
من الكرم ع الدنيا هلّه
ل التاريخ معروف قيمتنا
لينا كرامتنا وهيبتنا
خفّة الدم ان سابتنا
قول صحيح مش م المحله
.. أنا م المحله ..
