«الإفتاء» تحسم الجدل بشأن جواز إخراج زكاة الفطر نقودا
■ متابعة – إسراء الصغير:
حسمت دار الإفتاء المصرية الجدل حول مدى جواز إخراج زكاة الفطر نقودا من عدمه، في ظل تأكيد البعض على ضرورة إخراجها حبوبا.
وقالت دار الإفتاء المصرية، فيما كتبته عبر صفحتها الرسمية على موقع فيسبوك: «يجوز إخراج زكاة الفطر نقودًا، والحد الأدنى هذا العام عن الفرد يساوي 30 جنيهًا، ومن زاد فهو خير له».
وكانت دار الإفتاء المصرية قد قدرت زكاة الفطر هذا العام بـ30 جنيها للفرد كحد أدنى، كما أوضحت الطريقة التي تم احتساب قيمة الزكاة على أساسها، مؤكدة أنه تم حساب الزكاة على سعر القمح.
وقالت الإفتاء: «اعرف دار الإفتاء المصرية قدرت قيمة زكاة الفطر إزاى بطريقة سهلة وبسيطة وميسرة ولغة عامية أيضا سهلة وبسيطة.. حسبناها على القمح اللي بيتعمل منه العيش اللي كل الناس في مصر بتاكله لأن بيوت كتير مش بتاكل لا رز ولا تمر ولا زبيب، طيب سعر أردب القمح كام 1700 جنيه، والأردب فيه 150 كيلو، يبقى سعر الكيلو كام 11.33 جنيه، طيب والزكاة أد إيه 2.6 كيلو، يبقى نضرب 2.6 كيلو في 11.33، يطلع الناتج 29.46، ودار الإفتاء قالت إنه 30 جنيها».
وأضافت: «30 جنيه الحد الأدنى، يعني طلع أكتر من 30 جنيها لو معاك ودخلك يسمح لك، بس اللي مش هيقدر فأقل حاجة يطلعها عن الفرد 30 جنيها.. طيب أنا شايف إن 30 جنيها قليل مش هتعمل حاجة، يبقى تطلع ما ترضاه نفسك وتحس إنه له قيمة، لكن لا تقل عن 30 جنيها، ولا تلزم غيرك يطلع زيك لأن ممكن يكون غير قادر».
وتابعت: «تخرج قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر».
