✍ سيد الخمار.. يكتب: عارف يعني ايه الصعيد؟!
عارف يعني ايه الصعيد
يعني صبر يفل الحديد
يعني ناس كما الوتد في
الأرض
العرض غنوه ونشيد
يعني فلاح حب سعد باشا
عزم النحاس ع العشا في سوهاج
رغيف شمسي وجبنه قديمه
وصحن ويكه مسطاح شامي
يعني أحمس
يعني سيدنا وتاج راسنا طهطاوي
باني نهضه ومعاني وناس ترطن
بألسن وعي يدن وسط المجاورين
في الأزهر الله أكبر
يعني بصيرة العميد وفصاحةالعقاد
يعني أبنودي
يحضن لحن بليغ
صلاح جاهين فخر أخميم
يعني حضارة وشال تاريخ
شال بلد ع العين والراس
يعني حراس مشاه
وجنود الجيش العظيم
يعني غيطاني
يعني مزيكا عمار الشريعي
الصعيد وجع
نازف بصمت المحب للمحروسة
يعني عامل ممسوك في كمين
وأمين يفتش في خطوط جلابيه حزن وقهر وفقر دكر مقصود
ينهش دود الأرض
عضم المحروسة
شكل كل جدار في معابد إخناتون
تعرف
أن القطر
بيصرخ توت توت
ع السكة قلوب بتموت ع رغفان الحر
أه همام الصعيد
جعلوك خط
مقروش شعر أبن عروس
يعني ايه الصعيد يعني حد بسيط
ولايبان عليه وعي مع انه فصيح بالفطره
