ساحة الرأي

إلى هيئة قناة السويس وجهات الدولة.. إيه اللي كان المفروض يحصل؟.. بقلم: محمد الجارحي

إلى هيئة قناة السويس وجهات الدولة.. إيه اللي كان المفروض يحصل؟.. بقلم: محمد الجارحي

محمد الجارحي

ما قدرتش أخبي غضبي امبارح من اللي حصل في موضوع قناة السويس، الحادث اللي كان حديث العالم كله وعنوان رئيسي في كل القنوات والصحف ووكلات الأنباء والسوشيال ميديا.

الحادث اللي للأسف الناس فاكراه سُبة وعيب، واللي ينتقده يبقى خاين ومش واقف مع بلده، البلد اللي بينشغل بحريق في عمارة تسببت في وقف الحركة على الدائري، كان من حقه يعرف اللي حصل في الحادث اللي تسبب في وقف الحركة في قناة السويس، وعلشان ما أقعدش أقول كلام وخلاص، أنا هنا بأقدم تصور لإدارة الأزمة (إعلاميا) ودي الحاجة اللي بأفهم فيها.

أولا: الأزمة

المكان: 18  كيلو متر من السويس

الزمان: الساعة 7:40 صباحاً – الثلاثاء 23 مارس

الموضوع: حادث طارئ متكرر الحدوث لكن الفارق إن ناقلة الحاويات ضخمة وتسبب في غلق القناة تماماً وتوقف الملاحة فيها.

ثانياً: الاستراتيجية

الهيئة كان قدامها أكتر من استراتيجية للتعامل مع الأزمة، لكنها للأسف اختارت أفشلهم، وهي الصمت لمدة 24 ساعة وبعد ما العالم كله عرف بدأت تتكلم،  كان فيه أكتر من استراتيجية تانية برضه فاشلين، زي التهرب من المسئولية أو إنها تنكر الواقعة أصلا أو تقلل من الحادث.

لكن أنجح استراتيجية كان لازم تتبع في الحادث ده هي انها تتحرك على الفور وتعلن عن إجراءات تصحيحية لحل المشكلة.

ثالثاً: ماذا فعلت الأزمة الأخيرة

1- زيادة سعر النفط.

2- غلق أهم ممر ملاحي في العالم.

3- اهتمام وسائل الإعلام العالمية.

4- انتشار العديد من الشائعات.

5- انتشار السخرية.

6- سخط المواطنين.

7- تعويضات كبيرة للمتضريين.

8- الترويج لبدائل لقناة السويس.

رابعاً: كان مطلوب أعمل إيه علشان أحل الأزمة؟

1- كان لازم أبقى عارف حجم رد الفعل العالمي.

2- كان لازم أبقى عارف ومجهز هأتصرف إزاي لما الحادثة تحصل.

3- كان لازم أبقى مجهز إجراءات مباشرة أخدها بسرعة.

خامساً: أيوه كان المفروض يعملوا إيه يعني؟

1- كان المفروض يكون فيه فريق لإدارة الأزمة

– رئيس الوزراء – رئيس هيئة قناة السويس – المستشار الإعلامي والمتحدث الرسمي لمجلس الوزراء وللهيئة  – خبير وقبطان بحري.

2- إصدار بيان رسمي عاجل وسريع مقتضب فور وقوع الحادث.

3- الدعوة لمؤتمر صحفي بعد الحادث بساعات قليلة بحضور ممثلين لوسائل الإعلام العالمية لإعلان تفاصيل الحادث وملابساته والإجراءات التي اتخذتها الدولة لحل المشكلة والبدائل المتاحة أمامهاا والجدول الزمني المتوقع لحلها.

4- متابعة وسائل التواصل الإجتماعي والرد الفوري على أي شائعة.

5- جمع وتحليل آراء الخبراء والدول والشركات الكبرى التي تستخدم قناة السويس.

سادساً: مين الجمهور اللي كانت جهات الدولة لازم تخاطبه؟

1- الشعب المصري علشان ما يعرفش أخبار بلده من وسائل الإعلام الأجنبية.

2- الدول والشركات اللي بيتعاملوا مع قناة السويس.

3- وسائل الإعلام المحلية والإجنبية.

سابعاً: إيه اللي فات جهات الدولة ؟؟

1- إنها تكون أول حد يعلن الخبر.

2- إنها تقول الحقيقة مجردة وتوصف اللي حصل بالظبط.

3- إن اللي يطلع يتكلم في وسائل الإعلام يكون حد مصدر ثقة مش مصدر مجهول.

4- إنك تزود الناس بأرقام ومعلومات وحقايق وصور وفيديوهات وخرايط.

مقالات ذات صلة

زر الذهاب إلى الأعلى
error: Content is protected !!