ساحة الرأي

الرصاصة اللى ف قلبى !! – شعر: صبرى القن

الرصاصة اللى ف قلبى !! – شعر: صبرى القن

الشاعر صبرى القن

 

الملامح دى

ملامحى ..!!

والقميص والبنطلون

والصمود اللى ف يقينى

والظنون اللى ف جوارحى

دى الرصاصة اللى ف قلبى

عايشة لسه جوه قلبى

ساكنة يا بلادى ف  جرحى

أمن ايه الإسرائيلى

اللى هندافع عشانه ؟؟

و أمن بلدى وأمن ابنى  !!

أمن مين فينا اللى صانه؟؟

ابنى ع الجبهة ف مكانه ؟؟

وأبنى ف الداخل لفرحه

أمن ايه الإسرائيلى ؟؟

لما حالى ماعدشى حالى !!

ولا خوفى يطول ف شرحه

الملامح دى ..

ملامحى يابهية

ومش مسامح

الملامح دى

ملامحى يابهية

ومش هصالح

الملامح دى

ملامحى يابهية 

بشكل واضح

الملامح دى ملامحى

والعيون دى عيونى

نظرتى للكون .. جنونى

وقفتى وطول شجونى

الملامح دى ملامحى .. ياعيونى

الملامح دى ملامحى

الملامح دى ملامخى

مقالات ذات صلة

زر الذهاب إلى الأعلى
error: Content is protected !!