ساحة الرأي

تلعب شطرنج .. كلمات: محمد العربي

تلعب شطرنج .. كلمات: محمد العربي

الشاعر محمد العربي

تلعب شطرنج وأقول لك كش

تكش ف نفسك ومفيش حس

وتلبس وش وتقلع وش

وتطلب قهوة وتطلع مش

وتشرب مايه وتيجي علييا

وتجرح فيا وأقول معلش

حصاني بحرف ال ..ل.. وأكلك

هتولع باين علي شكلك

لو فيلك هيحل مشاكلك

أنا عندي الطابية تشيل وتقش

عساكرك واحد ورا واحد

ووزيرك ميت ورا واحد

هتسلم وللا ابعت واحد

من جيشي يجيبك متكلبش

يا مخربش لسه عليك بدري

الخطه اترسمت من بدري

والفارس لما يكون قارص

بيكش السبع ويتلبش

ركز في اللعبه وفي الحركه

احسبها وم تسيبهاش سالطه

وللا انت بتلعب بالبركه

وف الآخر ترجع متكتف

مقالات ذات صلة

زر الذهاب إلى الأعلى
error: Content is protected !!